Ҳазну ашықәс, жьҭаарамза 9 рзы Асоциал-економикатә ҭҵаарақәа рцентр аҿы имҩаԥысит аҭҵарадыррақәа семинар. Уи азкын аԥсуа культура иахьа ҭагылазаашьас иамоу аилкаара. Асеминар иалахәын  аҵарауаа, акультуратә наплакқәа рыҟны аус зуа аспециалистцәа.

Асеминар аҿы ажәахә «Ҳазусҭада ҳара иахьа» ҟаиҵеит Ацентр анапхгаҩы, афилософиатә ҭҵарадыррақәа ркандидат, адоцент Олег Дамениа. Ахцәажәара рҽаладырхәит: атеологиа адоктор, Аб Дараҭ, Апедагогикатә институт адиректор Ирина Кәакәасқьыр, Аԥснытәи Аҳәынҭқарратә филармониа асахьаркыратә напхгаҩы Есма Џьениа, актиор-арежисор Роман Сабуа, Ашәарҭадаратә хеилак амаӡаныҟәгаҩ ихаҭыԥуаҩ Гиви Габниа, Џьырхәатәи абжьаратә школ адиректор Дифа Габниа, ажурнал «Аԥсны аҟазара» аредактор, апоет Геннади Аламиа, аилатәара експертк иаҳасабала далахәын Афилологиатә ҭҵарадыррақәа ркандидат Лана Агрба.

Асеминар аҿы инаҵшьны иазгәаҭан: акультуратә ԥсҭазаараҿы иахьа иҟоу аҭагылазаашьа ииашаны аилкаара ашьақәыргылара, аиашаз, зда ԥсыхәа ыҟам усуп. Аха уи ала мацара ҳҿаԥхьа иқәгылоу ауадаҩрақәа ҳзыӡбаӡом. Ауадаҩрақәа рыӡбараз алшара анаатуа убасҟан ауп, ианҳамоу иҟаҵатәу абраҟа азҵаара аҭакгьы. Уи иазкны имҩԥгатәхоит даҽа семинаркгьы.

АЕҬЦ

от L G

Добавить комментарий

Ваш адрес email не будет опубликован. Обязательные поля помечены *